முத்தரையர் 29 வேட்டைக்காரர் இளைஞர்கள் கூட்டமைப்பு வரலாறு மீட்போம்
Oct 24, 2021
மங்கல மங்கையர்
மனதினில் தொழுதிடும்
திங்க ளணிசூலி
கலங்கிடும் இடரினில்
துலங்கிடும் ஒளியென
இருள்களை இறைஆதி
உலர்ந்திடும் அறிவினில்
உவந்திடும் நினைவதில்
மலர்ந்திடும் காளா பிடாரி
கண்ணீரைத் துடைத்திடும்
கவலையை மாய்த்திடும்
கண்கண்ட கருணைஆழி
துன்பம் துடைத்திடும்
துயரம் அழித்திடும்
சக்தி கணையாழி
மாய்ந்திடும் வேரினில்
பாய்ந்திடும் உயிரென
நீர்சிந்து பூவாளி
மழுங்கிடும் மதியினில்
புளுங்கிடும் கதியினில்
விளக்கிடும் ஒளிர்தேவி
யந்திர வாழ்வதில்
தந்திர நரிசதி
சூறையாடு வார்த்தாளி -அன்னை பிடாரி
போக்கிடம் போக்கு
தூக்கிடும் சாக்கு
நீக்கிடும் வனநீலி
சூனியங்கள் பொசுக்கிடும்
ஏவல்கள் எரித்திடும்
கவசஅரண் மின்வேலி
வந்திடும் வினையதை
நொந்திட வதைத்திடும்
கூர்போர் வாள்தாயீ - காளா பிடாரி
வேண்டிடும் வரமெலாம்
வேண்டிடும் போதெலாம்
கற்பகத்தரு காளி - முத்தரையர் குல காளா பிடாரி
கூண்டிடும் விதியதை
தாண்டிடும் நிலைதந்து
ஆண்டிடும் அருட்காளி - சிவ காளி
சீண்டிடும் வைரியால்
மூண்டிடும் சூழ்நிலை
எரித்திடும் தீகனல்நீ
ஆண்டிடும் கோளதால்
தீண்டிடும் வினையதை
தீய்ச்சிடும் தீக்கொள்ளி -அன்னை காளா பிடாரி
அண்டிடும் பகையதும்
மண்டிடும் சதியதும்
துண்டிடும் துர்க்காளி.... துயரம் நீக்கும் காளா பிடாரி
பூண்டிடும் பக்தியாம்
மீண்டிடும் யுக்தியாம்
கண்டிடும் அருட்சக்தி
கலியிதன் வாழ்வதில்
நலிவதை நீக்கியே
பொலிவுதரும் பூக்காரி - எம பயம் போக்கும் காளா பிடாரி
வாழ்விதன் சூக்குமம்
வாழ்க்கையின் சூட்சுமம்
வழிபுக அருள்காளி...
பொங்கிடும் இன்பம்
தங்கிடும் வாழ்நிலை
தந்திடும் ஸ்ரீதேவி - நியமம் காளா பிடாரி
திருக்கழலடி சரணம்
நின்திருவடி சரணம்
என்கவசம் நீ மாகாளி
குலதெய்வமே அங்காளி
ஓம்காளி ஜெய்காளி
ஜெய் ஜெய்காளி
ஓம் காளி ஜெய்காளி
ஜெய் ஜெய்காளி ஜெய் காளா பிடாரி !
பேரரசர் சுவரன்மாறன் குல தெய்வம் - போர் தெய்வம் - ராஜ மாதா - கலி வந்தனுகாமல் காக்கும் தெய்வம் - கயவர்களை தண்டிக்க காவல்கார வம்சத்தை தூண்டிடும் தூய சக்தி !
அன்னை காளா பிடாரி வணங்க - வரம் பெற்றிட
வாருங்கள் நியமத்திற்கு (நேமம்,திருக்காட்டுப்பள்ளி அருகில் தஞ்சாவூர்)
நியமம் அன்னை காளா பிடாரி கோட்டை திருப்பணியில் அரையர் சுவரன்மாறன் பிடாரி அறக்கட்டளை, திருச்சி.
